Amizádi
Si bu amor bim pa bim kai riba di nha mom
N'na burgunhu
Pabia nha mom piquininu ndimás pa nenil
Si nha ragás pudu pa pembi andju ku kumsa nanci
N'na mbaria
Pabia si bonitáku na pertam ragás
Si nha udju petelídu pa djubi garandéssa di alma dentru
N'ta bida bassóra kil hóra
Pabia bantaba ta baridu oku bari badja dentru
Si nha kosta parádu pa ditanda iágu nél
N'kana ossa
Pabia iágu más mél
Si nha oredja iabridu pa sukta fala di nhordeus
N'na múdu
pabia fala di deus kiria túdu. |
Si n'temba
Si n'temba umpés
kilis ku na purtchim
utrus ku bim na n'djutin
talbés ena misti ba pértu mi
Si n'temba dóna
kilis ku kata faalim
som mál keta partim
talbés é kana ossa ba pértu mi
Si n'temba tchom
kilis kuna sodjam
utrus kuna romokam
talbés é kana ossa ba djubim sim |
M'panta n'kórda
Kim k'tchiga antis ita pangam sinál di udju
Kim k'djumnam tchiga ita lembrantam kaminhu som
Kim k'tchiga riba ita longantam si mom
Kim k'djumnam odja ita lembrantam paali tam
Kal ki sigridu k'faci sol ta lampra fandam wâk
M'bé
Kuma mantchádu k'ta korta polom
Polom ta bida kanua na kusta di insom
Kanua kortela már na kusta di iâgu k'ta paga fúgu k'ta kenta féru ku feréru ta kumpu mantchádu kuél.
...M'bé... |
Djubim
Alim li bu dianti, djubuim dritu
Tokam si bu ka fia
Alim bu dianti assim ku n'fitu
Djubim dritu
Ma hora k'buna djubim
Kabu djubi nha sapátu nim nha kálça
Kabu djubi nha kabáku pa n'tenta rapada nha ráça
Kabu djubi nha ratádju nim nha mandidja
Hora k'buna djubim
Djubi nha korçom, el ki nha firkidja
Djubi nha kúku di udju, el ki nha fála
Sintim bu toma sussêgu di lála
Ika pirsís papia... |
